宮城島（なあぐしく）や与勝（ゆかち）ぬ島（しま）ぬうちなかいや実（じち）え、一番（いちばん）繁華（はんくゎ）な島やあらに。
海端（うみばた）ぬ白浜（しらはま）や当（あ）たい前（めえ）、森（むい）んあい、広々（ふぃるびる）とぅそおる平原（とうばる）んあい、昔（んかし）からぬぎれえむぬんあん。
上（ぬぶ）たい下（うり）りたいん強（ちゅう）さぬ実にゐいりき所（どぅくる）やん。
見（み）い物所（むんどぅくる）とぅしちえ、なんぞお整（とぅとぅ）らってえ居（をぅ）らのお、あしが、うりんまた済（し）むのおあらに。
通（とぅう）たるびけんしん、目（みい）ぐゎっちいなとおる心地（くくち）ぬすん。
森から見下（みいう）るする景色（ちいち）んまた特（か）てぃ美（ちゅ）らむんやん。
昔（んかし）え、海中道路（うみみち）ん無（ね）えらな、島詫（しまちゃ）びんふしがらんたる筈（はじ）やしが、今（なま）あ大島（ううじま）とぅ繋（ちな）がっとおくとぅ、買（こう）い物（むん）やいふぃえ、不便（ふびん）やてぃん、落（う）てぃ着（ち）ち暮（く）らする所（とぅくる）とぅしちえ、好（い）い所おあらんがあらんでぃ思（うむ）ゆん。
筆：比嘉清。
宮城島や与勝ぬ島ぬうちなかいや実え＝宮城島は与勝の島々の中では実は、
一番繁華な島やあらに＝一番贅沢な島ではないだろうか。
海端ぬ白浜や当たい前、森んあい、広々とぅそおる＝海岸のビーチは勿論、森もあり、広々とした
平原んあい、昔（んかし）からぬぎれえむぬんあん＝平原もあり、遺跡もある。
上たい下りたいん強さぬ実にゐいりき所やん＝（全体的に）起伏に富み、実に面白い所だ。
見い物所とぅしちえ、なんぞお整らってえ＝観光地としては、それほど整備されては
居らのお、あしが、うりんまた済むのおあらに＝いないが、それもまたよしとしようではないか。
通たるびけんしん目ぐゎっちいなとおる心地ぬすん＝通る過ぎるだけで目の保養になる気がする。
森から見下るする景色んまた特てぃ美らむんやん＝高台から見下ろす遠景もまた格別に美しい。
昔え、海中道路ん無えらな、島詫びん＝昔は海中道路もなく、孤立感も
ふしがらんたる筈やしが今あ大島とぅ繋がっとおくとぅ＝半端ではなかっただろうが、今は本島と
繋がっとおくとぅ、買い物やいふぃえ、不便やてぃん＝繋がっているので、買い物は少し不便でも
落てぃ着ち暮らする所とぅしちえ、好い所お＝落ち着いて暮らす所としては、良い環境では
あらんがあらんでぃ思ゆん＝ないかと思う。
筆：比嘉清。
この記事へのコメント