宮城島（なあぐしきじま）や又（また）高離島（たかはなりじま）んでぃん言（ゆ）ん。
宮城島ぬ森（むい）ぬ頂（ちじ）まんぐらんかいシヌグ堂原（ばる）んでぃ言る所（とぅくる）ぬあん。
シヌグ堂や浜比嘉島（ばまふぃじゃじま）んかいあしが、あまとぅぬ関（かかわ）いや分（わ）からん。
んまんかい「高離節」ぬ碑（ふぃい）（物知（むぬし）らしぬ碑）ぬ建（た）てぃらっとおん。
「高離島や物知らせどころ にゃ物知やべたん 渡（わた）ちたばうれ」んでぃち書（か）かっとおん。
くまうとおてぃぬ「物」んでえ、「物事（道理、苦労）」んでえぬ意味（ちむええ）。
作者（つくてえるっちゅ）や平敷屋朝敏ぬ妻（とぅじ）、真亀（まがみ）やんでぃぬ事（くとぅ）。
夫（うとぅ）が王府（くうじ）んかい「害（げえ）」しちゃる罪（ちみ）なかいく死罰（しにばち）とぅなたる後（あとぅ）、宮城島んかい流（なが）っさたるばすが作（つく）たる琉歌（うた）やん。
島寂（しまちゃ）びぬ苦労（くろう）、ちゅふぁあら知（し）っちゃる真亀ぬ故郷（シマ）んかい戻（むどぅ）い欲（ぶ）しゃそおる思（うみ）い、表（あら）わちゃおん。
やしが、真亀やくぬ島（しま）んじ３９才（さんじゅうく）ぬばすけえ亡（ま）あちゃん。
筆：比嘉清。
宮城島や又高離島んでぃん言ん＝宮城島は高離島ともいう。
宮城島ぬ森ぬ頂まんぐらんかい＝宮城島の森の頂上付近に
シヌグ堂原んでぃ言る所ぬあん＝シヌグ堂原という所がある。
シヌグ堂や浜比嘉島んかいあしが＝シヌグ堂は浜比嘉島にもあるが、
あまとぅぬ関いや分からん＝むこうのそれとの関係は分からない。
んまんかい「高離節」ぬ碑（物知らしぬ碑）ぬ建てぃらっとおん＝そこに高離節）（物知らせの碑）の碑が建っている。
「高離島や物知らせどころ にゃ物知やべたん＝「高離島は物知らせ所 もう苦労を十分知りました
渡ちたばうれ」んでぃち書かっとおん=（どうか故郷に）渡らしてください」と書かれている。
くまうとおてぃぬ「物」んでえ「物事（道理、苦労）」んでえぬ意味＝ここでの「物」とは「道理苦労」等の意味である。
作者や平敷屋朝敏ぬ妻、真亀やんでぃぬ事＝作者は平敷屋朝敏の妻、真亀だとのこと。
夫が王府んかい「害」しちゃる罪なかいく＝夫が王府に「逆った」罪で
死罰とぅなたる後、宮城島んかい流っさたるばすに作たる琉歌やん＝死罪となった後、宮城島に流されたときに作った琉歌である。
島寂びぬ苦労、ちゅふぁあら知っちゃる真亀ぬ＝不便な離島の苦労を思い知らされた真亀の
故郷んかい戻い欲しゃそおる思い、表わちゃおん＝故郷へ帰りたい思いを表している。
やしが、真亀やくぬ島んじ３９才ぬばすけえ亡あちゃん＝だが、真亀は当地で３９才で亡くなった。
筆：比嘉清。
この記事へのコメント