綿木（わたぎい）や、いっそうまや只（ただ）ぬ木（きい）どぅやしが、花咲（はなさ）かちゃい、木枝（きいゆだ）いっぺえ白綿（しるわた）「咲かちゃい」しいねえ、うぬ姿（しがた）あ、全（まった）ち相変（あいか）わゆん。
今度（こんどぅ）ん綿木ぬ花ぬ咲ち被（かん）とおん。
綿木やまあらにんあしが、桜色（さくらいる）やくとぅ、目立（みいだ）ち、実（じゅん）に美（ちゅ）らむんやん。
秋（あち）ぬ中頃（なかぐる）から冬（ふゆ）ぬ初（はじ）み頃迄（ぐるまでぃ）、長（なげ）えさ咲ち、見（ん）じゅる人（ちゅ）ん達（ちゃあ）ぬ肝（ちむ）うらあきゆん。
うぬ綿木ん、なあ一月（ちゅちち）が間（うゑえだ）、ちゃあ咲ちいそおん。
来年（やあん）ぬ若夏（わかなち）まんぐるんじえ、また種包（さにちち）どおる白綿（しるわた）ぬ花（はな）ぬ如（ぐとぅ）し、木いっぺえ実（な）いがすら分からん。
今度ぬばあや白綿ぬ実い様（な）や去年（くず）ぬ如（ぐと）おあらな、なんぞおあらんたん。
今（なま）あただ、願立（ぐゎんた）てぃゆる他（ふか）あ無（ね）えらん。
どうでぃん、来年ぬ若夏ぬばすお、白綿実（な）らちたぼり。
あんし又（また）、人ん達ぬ肝うらあきてぃたぼり。
筆：比嘉清。
綿木や、いっそうまや只ぬ木どぅやしが、花咲かちゃい＝綿木は普段は只のきなのであるが、
木枝いっぺえ白綿「咲かちゃい」しいねえうぬ姿あ＝枝中白い綿を咲かしたりすれば、その姿は
全（まった）ち、相変（あいか）わゆん＝一変するのである。
今度ん綿木ぬ花ぬ咲ち被とおん＝今年も綿木の花が咲き誇っている。
綿木やまあらにんあしが、桜色やくとぅ、目立ち＝綿木自体はどこにもあるが、桜色なので目立ち
実に美らむんやん＝ほんとうに美しいものである。
秋ぬ中頃から冬ぬ初み頃迄、長えさ咲ち＝秋の中頃から冬の初め頃まで咲いて、
見じゅる人ん達ぬ肝うらあきゆん＝見る人々の心を和ませる。
うぬ綿木んなあ一月が間、ちゃあ咲ちいそおん＝この綿木も、もう一か月ぐらい咲き続けている。
来年ぬ若夏まんぐるんじえ、また種包どおる白綿ぬ＝来年の若夏の頃には、又種を包んだ白綿が
花ぬ如し、木いっぺえ実いがすら分からん＝花の様に、木枝いっぱいに実らすのか知らない。
今度ぬばあや白綿ぬ実い様や去年ぬ如おあらな＝今年の場合は白綿の実り様は昨年程ではなく、
なんぞおあらんたん＝満足のいくようなものではなかった。
今あただ、願立てぃゆる他あ無えらん=今はただ、祈る他はない。
どうでぃん来年ぬ若夏ぬばすお白綿実らちたぼり＝どうか来年の若夏に白綿を実らしてください。
あんし又、人ん達ぬ肝うらあきてぃたぼり＝そして、人々の心を癒してください。
筆：比嘉清。
この記事へのコメント