与那原「湾」（南城市）

　実（じち）え「与那原湾（ゆなばるわん）」でぃゆる名（なあ）ぬ「湾（まがい）」や無（ね）えらん。

　南城市ぬ北側（にしむてぃい）からぬ湾や諸（むる）、中城湾んでぃ言（い）でぃちょおん。

　元々（むとぅむとぅ）、与那原ぬ浜（はま）あ遠浅（とぅうあさ）やたくとぅ、埋（う）み立（た）てぃらってぃ、「東浜」っす地（じい）ぬ名付（なあじ）きらってぃ、人（ちゅ）ん達（ちゃあ）ぬ住（し）むる所（とぅくる）とぅなやい、はねえちょおん。

　うちなあんちゅお、住（し）み所とぅしちぇえ、海端（うみばた）とぅか平原（とうばる）どぅましそおる風儀（ふうじ）なてぃ、南城市ぬ奥（うく）んかい早（ふぇえ）くに造（つく）らったる「新村（みいむら）」「つきしろのまち」や今（なあ）ちきてぃ、はねえちぇえうらん。

　昔（んかし）え高台（たかどぅくる）んかいや、大概（いいくる）、按司（あじ）ぬ居（をぅる）る城（ぐしく）ぬあたくとぅ、うぬまんまあるうんかいまた按司ぬ臣下（しんか）ぬ達（ちゃあ）はじみ百姓（ひゃくしょう）ん住（す）どおたる筈（はじ）やしが、今（なま）あ世（ゆう）ん相変（あいか）わてぃ、良（い）い按配（やんべえ）やる所んかいどぅ住（し）むる。

　やしが、高台からぬ眺（なが）みえ何時（いち）ん変（かわ）わらん、美（ちゅ）らむんやん。

筆：比嘉清。

---

実え「与那原湾」でぃゆる名ぬ「湾」や無えらん＝実は「与那原湾」という名の湾はない。

南城市ぬ北側からぬ湾や諸中城湾んでぃ言でぃちょおん＝南城市以北の湾は全て中城湾なのだ。

元々与那原ぬ浜あ遠浅やたくとぅ埋み立てぃらってぃ＝元々与那原浜は遠浅だったので、埋め立てられ、

「東浜」っす地ぬ名付きらってぃ、人ん達ぬ住むる所＝「東浜」なる地名を付けられ住宅地

とぅなやい、はねえちょおん＝となり、にぎやかになったのである。

うちなあんちゅお、住み所とぅしちぇえ、海端とぅか＝沖縄の人々は住み所としては海端とか

平原どぅましそおる風儀なてぃ、南城市ぬ奥んかい早くに＝平地を好むようで、以前南城市の奥に

造らったる新村「つきしろのまち」や＝建てられた新興住宅地「つきしろのまち」は

今ちきてぃ、はねえちぇえうらん＝今もって、にぎやかではない。

昔え高台んかいや大概、按司ぬ居る城ぬあたくとぅ＝昔は高台には概ね豪族が居る城があったので

うぬまんまあるうんかいまた按司ぬ臣下ぬ達はじみ＝その周りを囲むように豪族の家来はじめ

百姓ん住どおたる筈やしが、今あ世ん相変わてぃ＝平民も住んでいた筈であるが、時代も変わり、

良い按配やる所んかいどぅ住むる＝（いまは）住みよい場所に住むのである。

やしが、高台からぬ眺みえ何時ん変わらん、美らむんやん＝だが、高台からの眺めはいつの世も変わらずに美しい。

筆：比嘉清。