糸満市（いとぅまん）ぬ照屋（てぃいら）んあるくぬクヮーディーサーや前々（めえめえ）から知（し）っちょおしが、「おきなわ名木百選」ぬ一（てぃい）ちやんでえ分（わ）からんたん。
んちゃ、確（たし）かに、高（たか）さん大（ま）ぎさんあい、又（また）枝持（ゆだ）ちん美（ちゅ）らさん。まんぐらからん良う、目立っちょおん。
立札（たてぃふだ）んかいや「アギーカーぬクヮーディーサー」んでぃちあん。
「カー」んでえ「井戸」んでぃぬ意味（ちむええ）やん。
んちゃ、うぬ木（きい）ぬ後（くさ）あんかいや井戸（かあ）ぬあん。
人（ちゅ）ぬ使（ちけ）え水（みじ）とぅしちぇえ、なあ使あらってえ居（をぅ）らん風儀（ふうじ）やしが、拝所（うぐゎんどぅくる）おやん。
冬（ふゆ）ぬ節（しち）え、葉（ふぁあ）や諸（むる）、けえ枯（か）りとおしが、若夏（わかなち）ぬ節（しち）ないねえ、枝（ゆだ）いっぺえ緑葉（みどぅいばあ）生（み）いらち、又、うりん見事（みぐとぅ）なむんやら筈（はじ）。
うるま市ぬ「屋慶名（やきな）クヮーディーサー」や、なあ歌（うた）びけんどぅ残（ぬく）とおしが、くぬ木や真万事（さらばんじ）やん。
筆：比嘉清。
糸満市照屋んあるくぬクヮーディーサーや＝糸満市照屋にあるクヮーディーサーは
前々から知っちょおたしが、「おきなわ名木百選」＝以前から知っていたが、「おきなわ名木百選」
ぬ一ちやんでえ分からんたん＝のひとつであるとは知らなかった。
んちゃ確かに高さん大ぎさんあい又枝持ちん美さい＝成程確かに高さ大きさもあり枝振も美しく、
まんぐらからん良う、目立っちょおん＝周辺からも一際、目立っている。
立札んかいや「アギーカーぬクヮーディーサー」＝立て札には「アギカーのクヮーディーサー」
んでぃちあん。「カー」んでえ「井戸」んでぃぬ＝とある。「カー」とは「井戸（泉）」の
意味やん。んちゃうぬ木ぬ後あんかいや井戸ぬあん＝意味だ。確かに、木の後側には井戸がある。
人ぬ使え水とぅしちぇえ、なあ使あらってえ居らん＝生活用水としてはもう、使われてない
風儀やしが、拝所おやん＝ようであるが、拝所ではある。
冬ぬ節え葉や諸けえ枯りとおしが、若夏ぬ節ないねえ＝冬は葉は全て枯れてしまうが、若夏には、
枝いっぺえ緑葉生いらち、又うりん見事なむんやら筈＝枝中、若葉覆われ、それも又見事だろう。
うるま市ぬ「屋慶名クヮーディーサー」や＝うるま市の「屋慶名クヮーディーサー」は、
なあ歌びけんどぅ残とおしが、くぬ木や真万事やん＝もう、歌だけが残っているのであるが、この木はまだ現役だ。
筆：比嘉清。
この記事へのコメント