去年（くず）ぬ冬（ふゆ）ぬ初（はじ）み頃（ぐる）んじ桜色（さくらいる）ぬ花咲（はなさ）かちゃる綿（わた）ぬ木（きい）ぬ記事（ちじ）、くぬブログんかい書（か）ち寄（ゆ）したるむぬやしが、実（ない）ぬなてぃ、大（ま）ぎくなてぃ来（ち）ょおくとぅ、又（また）ん載（ぬ）したるしいじやん。
来月（くたちち）ないねえ、又、２年前（ににんめえ）ぬ如（ぐとぅ）し、枝（ゆだ）いっぺえ、綿ぬ「花」咲かしいぎさあやん。
実ぬ色お、初（はじ）みえ緑（みどぅい）どぅやしが、次第次第（しでえしでえ）に黒風儀（くるうふうじい）なてぃ行（い）ちゅん。
あんし、とうないねえ、実ぬ皮（かあ）ぬはっ穿（ぷ）ぎやあい、真（ま）っ白（しいらあ）綿「咲かする」ばすやん。
毎年（めえにん）ぬ事（くとぅ）やしが、うぬ白綿ぬ見（ん）じゅしん、いっぺえぬ楽（たぬ）しみやん。
桜花ぬ咲ちょおるばすんやんやしが、白綿ぬばすん、新芽（わかべえ）、緑ぬ葉（ふぁあ）や見しらんようい、「咲ちゅ」くとぅ、実（じゅん）に見物（みいむん）やん。
来月、白綿ぬ咲ちいねえ、又ん、記事にする積合（ちむええ）やくとぅ、どうでぃん、許ちうたびせえびり。
筆：比嘉清。
去年ぬ冬ぬ初み頃んじ桜色ぬ花咲かちゃる綿ぬ木ぬ＝去年の初冬にピンクの花を咲かせた綿の木の
記事、くぬブログんかい書ち寄したるむぬやしが＝記事をこのブルグに投稿したのであるが、
実ぬなてぃ、大ぎくなてぃ来ょおくとぅ＝実が生り、おおきくなってきたので
又ん載したるしいじやん＝再度、（この木について）投稿した次第である。
来月ないねえ、又、２年前ぬ如し、枝いっぺえ＝来月にもなれば、また、２年前のように
綿ぬ「花」咲かしいぎさあやん＝綿の「花」を咲かす雰囲気である。
実ぬ色お、初みえ緑どぅやしが、次第次第に＝実の色は初めのうちは緑色だが、徐々に
黒風儀なてぃ行ちゅん＝黒ずんでいく。
あんし、とうないねえ、実ぬ皮ぬはっ穿ぎやあい＝そして、時が来れば実の皮が弾け、
真っ白綿「咲かする」ばすやん＝真っ白い綿の「花」を咲かするわけである。
毎年ぬ事やしが、うぬ白綿ぬ見じゅしん＝毎年のことではあるが、その白い綿をみるのも
いっぺえぬ楽しみやん＝すごい楽しみなのです。
桜花ぬ咲ちょおるばすんやんやしが、白綿ぬばすん＝ピンク色の花のときもそうだが白綿の場合も
新芽、緑ぬ葉や見しらんようい、「咲ちゅ」くとぅ＝（後から出る）新葉は見せずに「咲く」ので
実に見物やん＝ほんとうに、見ものである。
来月、白綿ぬ咲ちいねえ、又ん記事にする積合やくとぅ、どうでぃん、許ちうたびせえびり＝来月、白綿が咲いたら、またも投稿する積りなので、お許しください。
筆：比嘉清。
この記事へのコメント