具志頭（ぐしちゃん）ぬ東（あがり）ぬ海端（うみばた）んかいや写真（しゃしん）ねえそおる大岩（うふしい）や形（かたち）え変（か）わゆしが、んずみてぃ、まんどおん。
くぬ岩（しい）や大亀（まぎがあみ）ぬ海（うみ）んかい向（ん）かてぃ歩（あ）っちょおねえんそおん。
くりかあや引（ふぃ）ち潮（うしゅ）ないねえ、海ああさぬいいくる獲らりいん。
やしが、写真、抜（ぬ）じゃる日（ふぃい）や、ああさ獲やあや一人（ちゅい）ん居（をぅ）らんたん。
今（なま）あスーパーんかい行（い）ちいねえ、食（か）み物（むぬ）のお、何（ぬう）やてぃんあいどぅすくとぅ、わざわざ、海行（うみん）じ、求（とぅ）めえらんてぃん暮（く）らさりいん。
平和世（ひいわゆう）やれえどぅやしが…。
沖縄戦（うちなあいくさ）ぬばす、くぬ浜（はま）んかい寄（ゆ）したるアミリカ軍（いくさ）ぬ射（い）り抉（く）じたる星丈（ふしだき）ぬ弾（たま）ぬ跡（あとぅ）ぬくまりかあぬ岩ぬあるっさんかい残（ぬく）とおんでぃぬ事（くとぅ）。
やしが、風化（ふうくゎ）しい強（ぢゅう）さぬよねえ分（わ）からんなとおんでぃぬ事やん。
今あ何事（ぬうぐとぅ）ん無（ね）えらんたる如（ぐとぅ）、波（なみ）とぅ風（かじ）ぬ音（うとぅ）びけんどぅ聞（ち）かりゆる。
筆：比嘉清
具志頭ぬ東ぬ海端んかいや写真ねえそおる大岩や＝具志頭の海岸には写真のような大岩は
形え変わゆしが、んずみてぃ、まんどおん。くぬ岩や＝形は違うだけでとても多い。この岩は、
大亀ぬ海んかい向かてぃ歩っちょおねえんそおん＝大亀が海に向かって歩いている風だ。
くりかあや引潮ないねえ海ああさぬいいくる獲らりいん＝この辺は引潮時には石蓴がよく獲れる。
やしが、写真、抜じゃる日や、ああさ獲やあや＝だが、写真を撮った日は石蓴獲りは
一人ん居らんたん。今あスーパーんかい行ちいねえ＝一人もいなかった。今はスーパーに行けば、
食み物のお何やてぃんあいどぅすくとぅ、わざわざ＝食べ物は何でもあるから、わざわざ、
海行じ、求めえらんてぃん暮らさりいん＝海に行って、漁らなくても生活は成り立つ。
平和世やれえどぅやしが…＝（世界が）平和ならの話ではあるが…。
沖縄戦ぬばす、くぬ浜んかい寄したるアミリカ軍ぬ＝沖縄戦のとき、小浜に押し寄せた米軍の
射り抉じたる星丈ぬ弾ぬ跡ぬくまりかあぬ岩ぬ＝夥しい銃弾迹がここいらの岩の
あるっさんかい残とおんでぃぬ事＝すべてに残っているとの事だ。
やしが風化しい強さぬよねえ分からんなとおんでぃぬ事＝だが風化が進み判別が難しいらしい。
今あ何事ん無えらんたる如、波とぅ風ぬ音びけんどぅ聞かりゆる＝今は何事もなかったかのように、波と風の音だけが聞こえる。
筆：比嘉清
この記事へのコメント