くぬかじゅまるお、沖縄（うちなあ）んじ一番（いちばん）ぬ大（ま）ぎいやんでぃちさっとおん。
歳（とぅし）え平成２年（にいん）掛（か）きぬ案内版（あんねえばん）にいねえ、大概（てえげえ）２５０年ぐれえやんでぃち肝当（ちむあ）てぃげえさっとおん。
やしが、写真（しゃしん）抜（ぬ）じゃる所（とぅくる）ぬ後（くさあ）やさくふぃらなやい、くまからあ諸姿（むるしがた）や抜じゅる事（くと）おならん。
また、うぬ後（くし）からん、枝（ゆだ）ぬ広（ふぃる）がい強（ぢゅう）さぬ諸（むる）ぬ形姿（かたちしがた）や見（ん）じ難（がた）なさん。
平原（とうばる）んかい立（た）っちょおたるむぬやれえ、まあから見（ん）ちん立派（りっぱ）な姿ぬ拝（うが）まりいたる筈（はじ）。
やしが、見物人（ちんぶちにん）ぬ都合（ちごう）し、何（ぬう）どぅ声（くぃい）どぅ言（い）ちゃんてえまん、今（なま）ぬ人（ちゅ）ん達（ちゃあ）やか、かあま昔（んかし）に生（ん）まりたるうぬかじゅまるにとぅてえ、えへんどぅやる、何（ぬう）ん怖（う）じらん。
却（けえ）てえ、今ぬ人ん達やうぬかじゅまる畏（うす）り敬（うや）てぃ、今からゆくん大切（てえしち）にし、行（い）かんでえならのおあらに。んちゃやさ。
筆：比嘉清。
くぬかじゅまるお沖縄んじ一番ぬ大ぎい＝このかじゅまるは沖縄で最大
やんでぃちさっとおん＝だとされている。
歳え平成２年掛きぬ案内版にいねえ、大概＝樹齢は平成２年付の案内板によれば、
２５０年ぐれえやんでぃち肝当てぃげえさっとおん＝２５０年と推定されている。
やしが、写真抜じゃる所ぬ後や＝だけど、撮影した場所の後ろ側は
さくふぃらなやい、くまからあ＝急峻であり、この場所から（退いて）
諸姿や抜じゅる事おならん＝全体像を撮影することができない。
また、うぬ後からん、枝ぬ広がい強さぬ＝また、反対側からも枝が広がり過ぎて、
諸ぬ形姿や見じ難なさん＝全体像を捉え難い。
平原んかい立っちょおるむぬやれえ、まあから＝平地にあったらなら何処から
見ちん立派な姿ぬ拝まりいたる筈＝見ても立派な姿が拝見できたであろうに。
やしが、見物人ぬ都合し、何どぅ声どぅ＝だけど、見物人の勝手で何やかんや
言ちゃんてえまん、今ぬ人ん達やか＝言ったところで、今の人間より、
かあま昔に生まりたるうぬかじゅまるに＝遥か昔に生まれたかじゅまるに
とぅてえ、えへんどぅやる、何ん怖じら＝とっては何をかいわんやである。
却てえ、今ぬ人ん達やうぬかじゅまる畏り＝逆に現代人はこおかじゅまるを畏れ
敬てぃ、今からゆくん大切にし＝尊敬し、これからなおいっそう、大事にして、
行かんでえならのおあらに。んちゃやさ＝いかなけえばならないのではないのか。確かにそうだ。
筆：比嘉清。
この記事へのコメント
bluepuffin