なあばぬ形（かたち）そおる岩（しい）や沖縄（うちなあ）ぬ海端（うみばた）んかいやいいくるあてぃ、何（ぬう）んふぃるましいむぬおあらん。
やしが、くまあ海端んでぃ言（い）ちん、いふぃえ海（うみ）から離（はな）りとおる陸（あぎ）まんぐらどぅなとおる。
なあば岩や海端んじ、長（なげ）えさ年月（とぅしちち）かきてぃ造（つく）らりいるむぬどぅやぐとぅ、早（ふぇえ）くお、くりかあや海やたる事（くとぅ）ぬ分（わ）かゆん。
岩ぬ周（まあ）いや、草（くさ）ぬ生（み）いまんでぃ、なあ海んかい戻（むどぅ）ゆる事（くとぅ）お無（ね）えらんがあら知（し）らん。
温世（ぬくゆう）なてぃがあんなとおら、又（また）、他（ふか）ぬ訳故（わきゆい）にがあんけえなとおらあ。
何やらわん、地球（ちちゅう）ぬ形ん、世界（しけ）、世（ゆ）ぬ中（なか）ん諸（むる）、あい変（か）わゆるむぬやる事、見（み）しとおん。
誰（たあ）ん又、何処（まあ）ぬ国（くに）ん何時迄（いちまでぃ）ん一番（いちばん）やあらん。
ただ、あだし人間（ちゅ）ぬ命（いぬち）。
どぅく短（いん）ちゃさくぬ、うんなうち変わい事（ぐと）お、受（う）き取（とぅ）い難（がた）なさる風儀（ふうじ）やん。
筆：比嘉清
なあばぬ形そおる岩や沖縄ぬ海端んかいやいいくる＝茸形の岩は沖縄の海岸には多く
あてぃ、何んふぃるましいむぬおあらん＝あるので、特に珍しいものではない。
やしが、くまあ海端んでぃ言ちん、いふぃえ＝だが、ここは海岸とは言っても少しは
海から離りとおる陸まんぐらどぅなとおる＝海から離れたれっきとした陸地である。
なあば岩や海端んじ、長えさ年月かきてぃ＝茸岩は海で長い年月をかけて
造らりいるむぬどぅやぐとぅ、早くお＝形成されるものであるから、以前は、
くりかあや海やたる事ぬ分かゆん＝この辺は海だったことがわかる。
岩ぬ周いや、草ぬ生いまんでぃ、なあ海んかい＝岩の周囲は草が生え、もはや海に
戻ゆる事お無えらんがあら知らん＝戻ることはないかもしれない。
温世なてぃがあんなとおら、又他ぬ＝温暖化のせいでそうなったのか、あるいは別の
訳故にがあんけえなとおらあ＝原因でそうなってしまったのか。
何やらわん、地球ぬ形ん、世界、世ぬ中ん＝何れにせよ、地球の形も世界、世の中も
諸あい変わゆるむぬやる事、見しとおん＝全て変化するものである事を示している。
誰ん又何処ぬ国ん何時迄ん一番やあらん＝誰もまたどこ国も永遠に一番ではない。
ただ、あだし人間ぬ命＝だた、儚い人間の命。
どぅく短ちゃさくぬ、うんなうち変わい事お、受き取い難なさる風儀やん＝あまりも短すぎてそうした変遷事にはついていけないようである。
筆：比嘉清
この記事へのコメント