今度（くんどぅ）ぬ綿（わた）ぬ木（きい）ぬ綿ぬ出（ん）じゆしえ、かわてぃ、にいさんねえ思（うむ）ゆん。
実（ない）やいっそうまとぅ同（い）ぬむん、２月（にんゎわち）まんぐるんじ、なとおたるむぬ、３、４月（さんしぐゎち）なてぃん綿あ出じてぃ来（く）うんたん。
今度お寒（ふぃい）さぬ長（なが）ふぃちゅるうそおたる故（ゆい）にがやらあんなとおらあ分からのおあしが。６月半らあなてぃん、写真（しゃしん）ぬ如（ぐと）おん。
やしが、中頭（なかぐみ）まんぐらぬ綿ぬ木ぬ綿あ、若葉（わかべえ）ぬ出じゆる前（めえ）に出じゆくとぅ、くまりかあぬ島尻（しまじり）ぬむんやか、いっぺえ美（ちゅ）らむんやん。
実（じゅん）にやれえ、秋冬（あちふゆ）んじえ葉（ふぁあ）ぬいっそうから枯（か）り落（う）てぃやい、ピンクぬ花（はな）ぬ咲（さ）ち切（ち）りてぃから、丸（まる）う実（ない）ぬなてぃ、うぬ後（あとぅ）、白綿（しるわた）出じゃしするむぬやる筈（はじ）やしが、島尻ぬ綿ぬ木ぬばあや、あねえあらな、若葉とぅまじゅん出じゆん。
木草（きいくさ）ぬ事（くと）おなんぞお知（し）らのおあしが…。
筆：比嘉清。
今度ぬ綿ぬ木ぬ綿ぬ出じゆしえ＝今年の綿の木の綿が咲くのは、
かわてぃ、にいさんねえ思ゆん＝とりわけ、遅いように思う。
実やいっそうまとぅ同ぬむん、２月まんぐるんじ＝実は平年と同じ２月頃に、
なとおたるむぬ、３、４月なてぃん＝なっていたいたのに、３、４月になっても
綿あ出じてぃ来うんたん＝綿は咲かなかった。
今度お寒さぬ長ふぃちゅるうそおたる故にが＝今年は、寒さが長らく続いたせいで、
あんなとおらあ分からのおあしが=そうなったのか分からないのであるが、
６月半らなてぃん、写真ぬ如おん＝６月中旬になっても写真にあるとおりである。
やしが、中頭まんぐらぬ綿ぬ木ぬ綿あ＝だけど、中頭方面の綿の木の綿は、
若葉ぬ出じゆる前に出じゆくとぅ、くまりかあぬ＝若葉が出る前に出るので、ここ
島尻ぬむんやか、いっぺえ美らむんやん＝島尻のそれよりはるかに美しい。
実にやれえ、秋冬んじえ葉ぬいっそうから＝本来なら、秋冬には葉が片っ葉か
枯り落てぃやいピンクぬ花ぬ咲ち切りてぃから＝枯れ落ちピンクの花が満開した後、
丸う実ぬなてぃ、うぬ後、白綿出じゃしする＝丸い実がなって後、白綿を咲かす
むぬやる筈やしが、島尻ぬ綿ぬ木ぬばあや＝ものであるはずなのに、島尻の場合は
あねえあらな、若葉とぅまじゅん出じゆん＝そうではなく、若葉と同時に咲き出る。
木草ぬ事おなんぞお知らのおあしが…＝植物のことはあまりしらないのであるが…。
筆：比嘉清。
この記事へのコメント