浜比嘉大橋（うるま市）

　宮城島（みゃあぐしくじま）から眺（なが）みたる浜比嘉（ばまふぃざ）大橋（うふばし）やん。

橋ぬ彼方（あがた）あ与勝半島（かっちん）ぬ屋慶名（やきな）。

またかあま彼方んかい見（み）ゆしえ、中頭方（ながぐみほう）なとおん。

屋慶名から平安座島（ふぃんざじま）んかい海中道路ぬ成（な）てぃから浜比嘉迄（までぃ）んくぬ橋、架（か）きゆしん胴易くなたるばすやん。

うぬ二（たあ）ちぬ橋ぬ御蔭（うかじ）なかい、なあ島々（しまじま）んかいあたる小中学校（しょうちゅうがっこう）や一（てぃい）ちんかい纏（まとぅ）みらりやい、学校迄（がっこうまでぃ）、送（うく）い迎（んけ）えさんでえならん親（うや）ん達（ちゃあ）ぬ増（うゎあ）ちょおんでぃぬ事（くとぅ）。

くりんまた別（びち）ぬ「島寂（しまちゃ）び」がやら。

やしが、与勝ぬ島々んかいや、うぬ島くるぬ文化（ぶんくゎ）ぬあん。

浜比嘉やアマチチュウぬ島、津堅（ちきん）や赤犬子（あかんくう）ぬ島やん。

宮城島んかいや「高離（たかはな）り節（ぶし）」、伊計島（いちいじま）んかいや「伊計離（いちはな）り節」ぬあん。

昔（んかし）は「物（むぬ=苦労）知（し）らし所（どぅくる）」やたしが、今（なま）あ、ただ景色（ちいち）ぬちびらあさる島（や）やん。

筆：比嘉清。

---

宮城島から眺みたる浜比嘉大橋やん＝宮城島から眺めた浜比嘉大橋である。

橋ぬ彼方あ与勝半島ぬ屋慶名＝橋の向こうは与勝半島の屋慶名。

またかあま彼方んかい見ゆしえ、中頭方なとおん＝さらに向うは中頭方面である。

屋慶名から平安座島んかい海中道路ぬ＝屋慶名から平安座島に海中道路が

成てぃから浜比嘉迄んくぬ橋＝出来て以来、浜比嘉に迄、この橋を

架きゆしん胴易くなたるばすやん＝架けやすくなった次第である。

うぬ二ちぬ道とぅ橋ぬ御蔭なかい＝この二つの道路と橋のお蔭で

なあ島々んかいあたる小中学校や一ちんかい＝それぞれ島にあった小中学校は一に

纏みらりやい、学校迄、送い迎えさんでえならん＝纏められので、学校に送迎する

親ん達ぬ増ちょおんでぃぬ事＝親たちが増えたとのことだ。

くりんまた別ぬ「島寂び」がやら＝これもまた、別の意味で「島侘び」なのか。

やしが、与勝ぬ島々んかいや＝だが、与勝の島々には、

うぬ島くるぬ文化ぬあん＝独自の文化がある。

浜比嘉やアマチチュウぬ島＝浜比嘉はアマミキヨの島であり、

津堅や赤犬子ぬ島やん＝津堅は赤犬子の島である。

宮城島んかいや「高離り節」＝宮城島には「高離り節」が、

計島んかいや「伊計離り節」ぬあん＝伊計島には「伊計離り節」がある。

昔は「物（苦労）知らし所）」やたしが＝昔は「苦労を思い知らせる」だったが、

今あただ、景色ぬちびらあさる島やん＝今は只、景色が素晴らしい島々なのである。

筆：比嘉清。