ひめゆりぬ塔（糸満市）

　ひめゆいぬ塔（とう）や、なあ、いいくるぬっ人（ちゅ）ん達（ちゃあ）ぬ知（し）っちょおん。

くぬ塔や旧日本軍陸軍病院（ちゅうにふんりくぐんびょういん）ぬ跡（あとぅ）んかいあん。

　ひめゆい学徒隊（がくとぅてえ）ぬ事（くと）お映画（いいぐぁ）んかい成（な）とおたい、日本中（にふんじゅう）んかい、いいくる知らっとおん。

　旧日本軍や沖縄中（うちなあじゅう）ぬ師範学校（しはんがっこう）・中学校（ちゅうがっこう）からうすまさぬ学徒（がくとぅ）ん達（ちゃあ）また少年（わらびしいとぅ）ん達迄（までぃ）ん取（とぅ）い揃（す）らち、戦（いくさ）ぬ加勢（かしい）しみたん。

　女学生（いなぐがくしい）迄んい戦加勢（いくさがしい）しみたる事お、世界（しけ）んじん例（りい）ぬ無（ね）えらんでぃさっとおん。

　女学生ぬ部隊やひめゆり隊（てえ）ぬ他（ふか）にん、梯梧（でぃぐ）隊うりから白梅（しらんみ）隊んあたん。

特（かわ）てぃ、内地（ないち）から遣（や）らさってぃ来（ち）ゃる先生達（しんしいたあ）ぬ中（なあか）んかいや、うぐ気（ち）持（む）っち、生徒ん達ゆ戦加勢しみゆる為（たみ）に思励（うみはま）とおるうん居（をぅ）たんでぃぬ事。

　２０万人余（にじゅうまんにんあま）いが戦死（くさじ）にさる沖縄戦（うちなあいくさ）。

　彼（う）っ達や実（じゅん）に何（ぬ）、守（まむ）いが来ゃるばすが。

筆：比嘉清。

---

ひめゆいぬ塔や、なあ、いいくるぬっ人ん達ぬ＝ひめゆりの塔はすでに殆どの人が

知っちょおん。くぬ塔や旧日本陸軍病院ぬ＝知る処だ。この塔は旧日本陸軍病院の

跡んかいあん。ひめゆい学徒隊ぬ事お＝跡にある。ひめゆり学徒隊のことは

映画んかい成とおたい、日本中んかい＝映画化されたこともあって、日本中に

いいくる知らっとおん。旧日本軍や＝知れ渡っている。旧日本軍は、

沖縄中ぬ師範学校・中学校から＝沖縄中の師範学校・中学校から

うすまさぬ学徒ん達また少年ん達迄ん＝とても多くの学徒等また少年兵迄も

取い揃らち、戦ぬ加勢しみたん＝動員し、戦争に協力させた。

女学生迄んい戦加勢しみたる事お＝女学生までも戦争に動員した事は、

世界んじん例ぬ無えらんでぃさっとおん＝世界でも例が無いとされている。

女学生ぬ部隊やひめゆり隊ぬ他にん＝女学生の部隊はひめゆり部隊の他にも

梯梧隊うりから白梅隊んあたん＝梯梧隊それに白梅隊もあった。

特てぃ、内地から遣らさってぃ来ゃる＝（戦時中に）特に内地から派遣されてきた

先生達ぬ中んかいや、うぐ気持っち＝教師らの中には積極的に

生徒ん達ゆ戦加勢しみゆる為に＝生徒らを戦争協力させる為に

思励とおるうん居たんでぃぬ事＝熱心だった者がいたとのことだ。

２０万人余いが戦死にさる沖縄戦＝２０万人余が戦死した沖縄戦。

彼っ達や実に何、守いが来ゃるばすが＝彼等は一体何を守りに来たというのか。

筆：比嘉清。