くまんかいや沖縄戦（うちなあいく）んじ戦死（いくさじ）にしちゃる沖縄師範学校（しはんがっこう）ぬ職員（しんか）とぅ学生（がくしい）３１９柱ぬ祀（まち）らっとおん。
戦死にしちゃるや生徒学生、祀とおる塔（とう）や一中（いっちゅう）健児（ちんじ）ぬ塔とぅか他（ふか）にんあん。
師範学校ぬばや、廃藩置県（はいばんちちん）ぬ後（あとぅ）、直（し）ぐに創（つく）らりやい、いちゃっさきぬ高（たか）っ人（ちゅ）、出（ん）じゃち、沖縄、今前（いまめえ）にし成（な）なち来（ち）ゃる学校やたん。
やしが敗戦（まきいくさ）とぅ共（とぅむ）に、沖縄が内地（ないち）から切（ち）り離（はな）さったる為（たみ）なかい、学校ん無（ね）えらんなてぃ、沖縄しい成する役目（やくみ）んしゆさんなたん。
くまぬ石碑（いしふぃ）に故（ゆい）ねえ、在校生（しいとぅ）ぬ７５％が砲弾（ほうだん）なかいさったんでぃぬ事（くとぅ）やん。
中（なか）ねえ、斬（ち）り込（く）み隊（てえ）とぅしち、戦死にさる生徒ん居（をぅ）たん。
戦んでぃゆるむぬお、一回（ちけん）けえ始みいねえ、なあ意地（いじ）けえ成やい、終（うわ）い道（みち）ん知（し）らんなてぃ、学生から女学生迄（いなぐがくしいまでぃ）また少年（童わらび）迄ん、戦しみらんでえ、ならんないるばすやん。
筆：比嘉清。
くまんかいや沖縄戦んじ戦死にしちゃる＝ここには沖縄戦で選した
沖縄師範学校ぬ職員とぅ学生319柱ぬ＝沖縄師範学校の職員と生徒319柱が
祀らっとおん。戦死にしちゃるや生徒学生＝祀られている。戦死した生徒学生を
祀とおる塔や一中健児ぬ塔とぅか他にんあん＝祀る塔は一中健児の塔等他にもある。
師範学校ぬばや、廃藩置県ぬ後、直ぐに＝師範学校は廃藩置県後に直ちに
創らりやい、いちゃっさきぬ高っ人、出じゃち＝創られ、多くの指導者を輩出し
沖縄、今前にし成なち来ゃる学校やたん＝沖縄の近代化に貢献してきた。
やしが敗戦とぅ共に、沖縄が内地から＝だが、敗戦と共に本土から
切り離さったる為なかい、学校ん無えらんなてぃ＝切り離された為に学校も途絶え、
沖縄しい成する役目んしゆさんなたん＝沖縄を発展させる役目をする事も途絶えた。
くまぬ石碑に故ねえ、在校生ぬ７５％が＝ここの石碑によれば、在校生の７５％が
砲弾なかいさったんでぃぬ事やん＝砲弾の犠牲になったとのことだ。
中ねえ、斬り込み隊とぅしち＝（生徒の）中には斬り込み隊として
戦死にさる生徒ん居たん＝戦死した者もいた。
戦んでぃゆるむぬお一回けえ始みいねえ＝戦争というものは一度始めてしまうと、
なあ意地けえ成やい、終い道ん＝もはや、意固地になってしまい、終えるという
知らんなてぃ、学生から女学生迄＝発想も失い、学生から女学生そして
少年（童）迄ん、戦しみらんでえ、ならんないるばすやん＝少年迄動員してでも戦争を遂行しようとするのである。
筆：比嘉清。
この記事へのコメント