去年（くず）ぬ夏（なち）ん、あいゆかん暑（あち）さたしが、今度（くんど）おゆくんどぅやる。
写真（しゃしん）や宮城島（なあぐしくじま）から眺（なが）みたる山原（やんばる）ぬ上（うゐい）ぎさる天（てぃん）ぬんかい広（ふぃる）がとおる積乱雲（夏雲、なちぐむ）やん。
うん如（ぐと）おる雲（くむ）んでえ見（ん）んじいねえ、暑さぬ程（ふどぅ）ぬ大概（てえげえ）や分（わ）からのおあらに。内地（ないち）んじえ、あまくまんじ４０度余（ゆんじゅうどぅあま）たいし、未（なあ）だ如（ぐとぅ）ぬ暑さやたんでぃぬ事（くとぅ）。
うちなあやうんな内地んかい比（くな）びいねえ、涼（しだ）さんでぃ言（い）らっとおしが、まふっくゎぬ太陽（てぃだ）ぬ眼光（みいふぃちゃ）らさあ、内地とぅ比なびらりいるむんがやら。
今（なま）ぬ人（ちゅ）ん達（ちゃあ）やまあふっくゎに外（ふか）にんかい出（ん）じゆるばあや、いいくる帽子（ぼうし）被（かん）たい、黒眼鏡（くるがんちょう）かきたいすくとぅ、よねえ分（わ）からん筈（はじ）やしが、昔（んかし）え帽子とぅか麦（むん）じゅるそうな物（むん）被（かん）だんでえ、目皮（みいがあ）ぬしんでぃやあに、「目（み）っ切（ち）らあ」成いる人ん居たん。
文：比嘉清。
去年ぬ夏ん、あいゆかん暑さたしが＝去年の夏もとても暑かったが
今度おゆくんどぅやる＝今年（の暑さ）は、もっとひどい。
写真や宮城島から眺みたる山原ぬ上ぎさる＝写真は宮城島から眺めた山原の上らしき
天ぬんかい広がとおる積乱雲（夏雲）やん＝空に広がる積乱雲である。
うん如おる雲んでえ見んじいねえ暑さぬ程ぬ＝そうした雲を眺めると暑さの程度が
大概や分かゆのおあらに。内地んじえ＝大概は分かるのではないか。本土では、
あまくまんじ４０度余たいし、未だ如ぬ=あちこちで40℃を超えたり、嘗てない
暑さやたんでぃぬ事。うちなあやうんな＝暑さだたの事。沖縄はそんな
内地んかい比びいねえ、涼さんでぃ＝本土に比べると、「涼しい」と
言らっとおしが、まふっくゎぬ太陽ぬ＝言われているが、真昼の太陽の
眼光らさあ内地とぅ比なびらりいるむんがやら＝眩しさは本土と比較できるだろか。
今ぬ人ん達やまあふっくゎに外んかい出じゆるばあや＝今の人は真昼に外出する時は
いいくる帽子被たい黒眼鏡かきたい＝殆どは帽子を被ったりサングラスをかけたり
、すくとぅ、よねえ分からん筈やしが＝するので、あまり知らないかも知れないが、
昔え帽子とぅか麦じゅるそうな物、被だんでえ＝昔は、帽子や麦藁笠等を被らないと
、目皮ぬしんでぃやあに、「目っ切らあ」成いる人ん居たん＝瞼が爛れ「目切れ」という「火傷痕」のようになる人も居た。
文：比嘉清。
この記事へのコメント