ジョン万次郎上陸ぬ碑（糸満市）

　ジョン万次郎ぬ事（くと）お、前（めえ）にん書（か）ちゃるむぬやしが、彼（あり）が上陸（じょうりく）しちゃる所（とぅくる）んかい碑（ふぃい）ぬ立（た）てぃらっとおる事（くとぅ）ぬ分（わ）かい写真（しゃしん）抜（ぬ）じいが行（ん）じゃるばすやん。

　ジョンや初（はじ）みから渡海中（とぅけなか）、琉球（りゅちゅう）んかい上陸する積合（ちむええ）さあに、中国（とう）んかい行（い）ちゅるアミリカ商船（あちねえぶに）んかい乗（ぬ）やい、又（また）自（どぅう）ぬボートん載（ぬ）したん。渡海中、ハワイんかい居（をぅ）たる海人（うみんちゅう）ぬ相（ええ）ずう二人（たい）（伝蔵、五右衛門）ん連（そ）うてぃ、まじゅん喜屋武岬（ちゃんみさち）んかい上（あ）がたんでぃぬ事。

　やしが、くまんかいや万次郎一人（ちゅい）ぬ象（かた）どぅ支（し）こうらっとおる。

　今（なま）とお変（か）わてぃ、物知（むぬし）らりん物知ゆる手段（てぃだ）ぬん無（ね）えんたるうにいんじ、日本（にふ）ぬんかい戻（むどぅ）ゆる事ぬ成（な）たしえ、只（ただ）、万次郎くるぬじんぶん故（ゆい）どぅやたる筈（はじ）。

　アミリカ船（ぶに）なかい助（たし）きらってぃ琉球ぬ沖（ううち）、走通（はいとぅう）たるばすジョンや「チャンクミーシ(喜屋武米須)」んでぃぬ地名（じいんなあ）、能（ゆ）う覚（うび）いたんでぃぬ事。

筆：比嘉清。

---

ジョン万次郎ぬ事お前にん書ちゃしが＝ジョン万次郎の事は前にも書いたが、

彼が上陸しちゃる所んかい碑ぬ＝彼が上陸した場所に碑が

立てぃらっとおる事ぬ分かい写真＝立てられている事を知り、写真を

抜じいが行じゃるばすやん＝撮影しに行った次第である。

ジョンや初みから渡海中、琉球んかい＝ジョンは初めから航海の途中、琉球に

上陸する積合さあに、中国んかい行ちゅる＝上陸する目的で中国行の

アミリカ商船んかい乗やい又自ぬボートん＝米商船に乗り込み自身のボートも

載したん。渡海中、ハワイんかい居たる＝搭載した。航海途中、ハワイにいた

海人ぬ相ずう二人（伝蔵、五右衛門）ん＝漁師仲間二人（伝蔵、五右衛門）も

連うてぃ共に喜屋武岬んかい上がたんでぃぬ事＝連れ共に喜屋武岬に上陸した。

やしが、くまんかいや万次郎一人ぬ＝だが、ここには万次郎一人だけの

象どぅ支こうらっとおる＝象しか造られてない。

今とお変わてぃ、物知らりん物知ゆる手段ぬん＝今と違い、情報も通信手段も

無えんたるうにいんじ日本ぬんかい戻ゆる事ぬ＝限られた当時、日本へ戻る事が

成たしえ只万次郎くるぬじんぶん故どぅやたる筈＝出来たのは只彼の知恵による。

アミリカ船なかい助きらってぃ琉球ぬ沖＝（遭難時に）米船に救助され琉球沖を

走通たるばすジョンや「チャンクミーシ」＝通りかかったとき「チャンクミーシ」

(喜屋武米須)んでぃぬ地名、良う覚いとおたんでぃぬ事＝（喜屋武米須）という地名を頭に擦り込んでいたという。

筆：比嘉清。