<
近（ちか）くぬ大浦湾（うふらわん）はじみ山原（やんばる）おいいくる行（い）ちゅしが、くまんかいイチョウぬ木（きい）ぬ生（みい）いとおんでえ、分（わ）からんたん。
写真（しゃしん）ぬ真（ま）ん中（なか）ぬ木がうりやん。
抜（ぬ）じゃしえ、１１月（ぐゎち）半（なか）らやたしが、黄色（ちいる）んかいやなてえ居（をぅ）らな、未（なあ）だ青（おお）ってんどぅそおたる。
暑（あ）ちゃさどぅあくとぅ、うりん当（あ）たい前（めえ）。
やしが、何時（いち）が紅葉（むみじ）ないらあ。
沖縄（うちなあ）んかいや、モクマオウ、綿（わた）ぬ木、ギンネムんでえ、余所（ゆす）から色（いる）んな木草（きいくさ）ぬ入（い）っち来（ち）、大概（てえげえ）や、栄（む）てえとおん。
やしがくぬイチョウぬ木や１００年（にん）やか前（めえ）に鹿児島（かぐしま）から３本（ぶん）、持（む）ち来（ち）ゃんでぃぬ事（くとぅ）やしが、今（なま）あ、ちんとぅ１本（いっぷん）どぅ残（ぬく）とおる。
１本やてぃん、イチョウが沖縄（うちなあ）んじん育（すだ）ちゅんでぃぬ徴（しるし）やい、なあふぃん、うゎあち、何時かあ、イチョウ並木（なんぎい）ん見（ん）じゅる事ぬないれえ良（ゆ）たさしが…。
筆：比嘉清。
近くぬ大浦湾はじみ、山原お、いいくる行ちゅしが＝近くの大浦湾はじめ北部は良く行くが、
くまんかいイチョウぬ木ぬ生いとおんでえ＝ここにイチョウの木が生育しているとは、
分からんたん。写真ぬ真ん中ぬ木がうりやん＝知らなかった。写真の真ん中の木がそれだ。
抜じゃしえ、１１月半らやたしが、黄色んかいや＝撮影したのは11月半ばだったが、黄色に
なてえ居らな、未だ青ってんどぅそおたる＝色付かず、まだ青々としていた。
暑ちゃさどぅあくとぅ、うりん当たい前＝暑いのだから、それも当然といえば当然。
やしが、何時が紅葉ないらあ＝だけど、何時、紅葉するのであろうか。
沖縄んかいや、モクマオウ、綿ぬ木＝沖縄にはモクマオウ、トックリキワタ、
ギンネム等余所から色んな木草ぬ入っち来＝ギンネムなどの様々な外来種が入ってきて、
大概や、栄てえとおん＝殆どは、繁殖している。
やしがくぬイチョウぬ木や１００年やか前に＝だけど、このイチョウの木は百年以前に
鹿児島から３本、持ち来ゃんでぃぬ事やしが＝鹿児島から３本持ち込んだとの事だが、
今あちんとぅ１本どぅ残とおる＝現在は一本しか残ってない。
１本やてぃん、イチョウが沖縄んじん育ちゅんでぃぬ＝一本でもイチョウが沖縄で育つという
徴やい、なあふぃん、うゎあち、何時かあ＝証であり、もっとイチョウが沖縄で増え何時かは
イチョウ並木ん見じゅる事ぬないれえ良たさしが…＝イチョウ並木でも見ることができれば、良いのだが…。
筆：比嘉清。
この記事へのコメント