潟原（かたばる）お、あまくまんかいあしが、くまあＰＲぬ強（ちゅう）さがあら、３０分（ぷん）びけえ、居（をぅ）とおちいねえ、幾人（いくにん）がなぬ見（ん）じゃあぬ来（ち）ゃい帰（けえ）えたいすくとぅ、いふぃえ、音高（うとくだか）さん、あいがすらん分（わ）からん。
やしが、他（ふか）ぬ潟原とぅ比（く）なびてぃ、特（か）わとおんでえ思（うま）あらん。
引（ふぃ）ち潮（しゅ）ぬ万事（ばんじ）やるばすお、潟（かた）んなあふぃん、まぎさ広（ふぃる）がゆる筈（はじ）やしが、くぬ写真（しゃしん）抜（ぬ）じゃるばすお、潮（うしゅ）ん満（み）っちはじみとおたる風儀（ふうじ）なてぃ、潟くるお、あんすから迄（までぃ）、ちびらあさんでえ思（うま）あらんたん。
やしが、いふぃ小（ぐゎあ）、別（びち）ぬ所（とぅくる）から眺（なが）みいねえ、ちびらあしく見（み）いゆる景色ぬあん。
又（また）、潟ぬ上辺（うゎあび）んかいや、いちゃっさきいぬ蟹小（がいぐゎあ）ぬ歩（あ）っちゃあ歩っちゃあし、いっぺえ、うじらあさん。
蟹小達（がいぐゎあたあ）やましやあ。
何（ぬう）ぬさびん煩（わ）ちゃれえ事（ぐとぅ）ん無（ね）えらな、唯（ただ）、友部（どぅしび）とぅ連（ち）りてぃ遊（あし）ぶるびけん。
筆：比嘉清。
潟原おあまくまんかいあしがくまあＰＲぬ強さがあら＝潟原自体はあちこちあるがPR力があってか
３０分びけえ、居とおちいねえ、幾人がなぬ＝３０分ばかり居ると、数人ぐらいの
見じゃあ達ぬ来ゃい帰えたいすくとぅ、いふぃえ＝見物人らが来たり帰ったりするので、
いふぃえ、音高さん、あいがすらん分からん＝少しは、認知度は高いのかもしれない。
やしが、他ぬ潟原とぅ比なびてぃ特わとおんでえ思あらん＝だけど、他より特別だとは思われない。
引ち潮ぬ万事やるばすお、潟んなあふぃんまぎさ＝引き潮のピーク時には干潟ももっと大きく、
広がゆる筈やしが、くぬ写真抜じゃるばすお＝広がるはずだが、この写真を撮ったときは、
潮ん満っちはじみとおたる風儀なてぃ、潟くるお＝潮も満ち始めた頃だったらしく、干潟自体は、
あんすから迄、ちびらあさんでえ思あらんたん＝それ程、素晴らしいとは思わなかった。
やしが、いふぃ小、別ぬ所から眺みいねえ＝だが、少し、視点をずらして、眺めると
ちびらあしく見いゆる景色ぬあん＝素晴らしいく見える景色がある。
又、潟ぬ上辺んかいや、いちゃっさきいぬ蟹小ぬ＝又、干潟の表面には、夥しい数の小さな蟹が
歩っちゃあ歩っちゃあし、いっぺえ、うじらあさん＝歩き回って、とても可愛らしい。
蟹小達やましやあ、何ぬさびん、煩ちゃれえ事ん＝蟹達はいいねえ。何の心配事も煩わしい事も
無えらな、唯、友部とぅ連りてぃ遊ぶるびけん＝無く、ひたすら、仲間と連れ立って遊ぶだけで。
筆：比嘉清。
この記事へのコメント