去週（めえぬしゅう）とぅ同（い）ぬ潟原（かたばる）どぅやしが、よおいくうてん、別（びち）ぬ所（とぅくる）から眺（なが）みいねえ、又（また）、変（か）わとお景色（ちいち）なてぃ見（み）いゆん。
左（ふぃざい）むてぃいや、まんぐらぬ山（やま）んでえからぬ水（みじ）ぬ流（なが）りてぃ来（ち）ゅうる川（かあら）なとおん。
引潮（ふぃちしゅ）ぬ時間（じかん）ぬ当（あ）たらな、潟潮ぬ見（ん）だらんばすお、うんな景色やてぃん眺みてぃん、しゅぞうなゆん。
泳（ゐい）じゅしびけんが海（うみ）ぬ楽（たぬ）しみえあらん、景色眺みたい、浜（はま）ぬ蟹小（がいぐゎあ）とぅ遊（あし）だいすしん又楽（たぬ）しみやあらに。
他（ふか）ぬ潟原ねえ、埋（う）み立（た）てぃらってぃ街（まち）んかいけえ成（な）たい、橋（はし）ぬ架（か）きらったいし、景色ぬ相変（あいか）わとおる所んあしが、くまあ、うぬ侭（まま）ぬ形（かたち）さあに、残（ぬく）しい欲（ぶ）しゃんでぃ思（うむ）ゆん。
今（なま）ぬ世（ゆう）やどぅくだら、銭（じん）ぬ力（ちから）ぬ強（ちゅう）さぬ銭ぬ勝手（かってぃ）けえ成とおん。
肝心（ちむくくる）ぬ豊（ゆた）かさぬ勝（まさ）ゆる世なゆしえ何時（いち）がやら。
筆：比嘉清。
去週とぅ同ぬ潟原どぅやしが、よおいくうてん＝先週と同じ干潟なのだが、少しだけ
別ぬ所から眺みいねえ、又変わとお景色なてぃ見いゆん＝角度を変えて見ると別の風景になる。
左むてぃいや、まんぐらぬ山んでえからぬ水ぬ＝左側は近くの山等からの水が
流りてぃ来ゅうる川なとおん＝流れ来る川となっている。
引潮ぬ時間ぬ当たらな、潟潮ぬ見だらんばすお＝引き潮の時間に来れず、干潟が見れない場合は、
うんな景色やてぃん眺みてぃん、しゅぞうなゆん＝そんな景色を見れるだけでも幸いである。
泳じゅしびけんが海ぬ楽しみえあらん＝泳ぐだけが海の楽しみではない。
景色眺みたい、浜ぬ蟹小とぅ遊だいすしん又＝景色を眺めたり、浜の蟹と戯れたりするのもまた、
楽しみやあらに。他ぬ潟原ねえ＝楽しみではないか。他の干潟のように、
埋み立てぃらってぃ街んかいけえ成たい、橋ぬ＝埋め立てられ、街に変貌したり、橋が
架きらったいし景色ぬ相変わとおる所んあしが＝架けられたりして風景が一変する所もあるが、
くまあ、うぬ侭ぬ形さあに、残しい欲しゃんでぃ思ゆん＝ここはこの侭の形で残したいと思う。
今ぬ世やどぅくだら、銭ぬ力ぬ強さぬ＝現代はあまりにも金の力が強すぎて、
銭ぬ勝手けえ成とおん＝金が支配する世になってしまっている。
肝心ぬ豊かさぬ勝ゆる世なゆしえ何時がやら＝心の豊かさが勝る時代になるのは何時なのか。
筆：比嘉清。
この記事へのコメント