くぬ橋（はし）え１６０（しんちゅうひゃくるくじゅう）年（にん）ぬチリ大（うふ）しがり波（なみ）ぬ寄（ゆ）してぃ来（ち）ゃるばす、壊（くう）さったんでぃぬ事（くとぅ）やん。
うんにいや、沖縄（うちなあ）ぬ東（あがり）むてぃいぬ海岸（うみばた）や、いいくるしがり波（なみ）ぬ上（あ）がてぃ来（ち）ゃあに、我（わあ）小学校（しょうがっこう）ぬ庭迄（なあまでぃ）、海水（うすみじ）んかい浸（ち）かとおたん。
うぬ日（ふぃい）、高所（たかどぅくる）んかいあたる自（どぅう）ぬ家（やあ）から学校んかい向（ん）かゆる道中（みちなか）、下（しちゃ）あらから戻（むどぅ）てぃ来（ち）ゅうる生徒（しいとぅ）ん達（ちゃあ）が、「しがり波ぬ来ょおくとぅ、学校や休（やし）み」んでぃち、むさげえとおたん。
くまぬ二見橋え、大浦湾（うふらわん）ぬんかいあん。
湾（まがい）や狭（いば）くないるうっさ、しがり波ぬ集（あち）まてぃ来ゅうくとぅ、うりが押し寄しゆるi勢いん又（また）強（ちゅう）くなゆん。
今（なま）ぬ橋え、でえじな頑丈（がんじゅう）ぎさし造（つく）らっとおしが、如何（ちゃ）ぬあたいぬ耐力（てえぢから）があぬむぬやら。
何（ぬう）やらわん、自然（しじん）ぬ力（ちから）あ、人（ちゅ）ぬ思寄（うみゆ）いやか上（うゐ）やあらに。
筆：比嘉清。
くぬ橋え１9６０年ぬチリ大しがり波ぬ寄してぃ＝この橋は１９６０年のチリ大津波が押し寄せて
来ゃるばす、壊さったんでぃぬ事やん＝来た時に破壊されたとのことである。
うんにいや沖縄ぬ東むてぃいぬ海岸やいいくるしがり波ぬ＝その時は沖縄の東海岸の多くは津波が
上がてぃゃあに、我小学校ぬ庭迄、海水んかい浸かとおたん＝襲来し私の小学校の庭も浸水した。
うぬ日、高所んかいあたる自ぬ家から学校んかい向かゆる道中＝その日、高台の我が家から登校中
下あらから戻てぃ来ゅうる生徒ん達が＝（登校途中の）下のから戻ってくる生徒らが
「しがり波ぬ来ょおくとぅ、学校や休み」＝「津波が来たので、学校は休みだって」
んでぃち、むさげえとおたん＝と、騒いでいた。
くまぬ二見橋え、大浦湾ぬんかいあん＝この二見橋は大浦湾にある。
湾や狭くないるうっさ、しがり波ぬ集まてぃ来ゅうくとぅ＝湾は狭くなる分、津波が集中するので
うりが押し寄しゆるi勢いん又強くなゆん＝波が押し寄せる勢いも増す。
今ぬ橋え、でえじな頑丈ぎさし造らっとおしが＝今の橋はとても頑丈に造られているが、
如何ぬあたいぬ耐力があぬむぬやら＝どれぐらいの耐久力があるのだろうか。
何やらわん、自然ぬ力あ、人ぬ思寄いやか上やあらに＝何れにせよ、自然の力は人知を超える。
筆：比嘉清。
＊「二見橋」ではなく「大浦橋」ですので、訂正します。
この記事へのコメント