くぬ森（むい）んかいや、運動公園（うんどうくういん）ぬんあしが、戦（いく）ぬばすお旧日本陸軍病院（ちゅうにふんぐんりくぐんびょういん）ぬあたる所（とぅくる）なやい、森くるがいいくる戦跡風儀（いくさとぅふうじい）なとおん。
黄金森んでえ、他（ふか）に宜野湾（じのおん）ぬんかいあん。
黄金んでぃぬ名（なあ）や「いっぺえ大切（てえしち）、あたらさ」んでぃゆる積合（ちむええ）ぬあい、あいゆかんぬ「褒（ふ）み言葉（くとうば）」んやん。
「黄金ん子（ぐゎ）」んでえ、大切な思（うみ）ん子んでぃぬ積合やん。
また、いっぺえ美（ちゅ）らさんでぃぬ意味（ちむええ）ぬある「玉（たま）」付（ち）きてぃ「玉黄金（たまくがに）」んでぃしいねえ、なあ、でえじなぬ思愛（うみがな）さ言葉やん。
あん考（かんげ）えいねえ、くぬ森や、でえじな良（い）い所なやいどぅ、又（また）、旧日本軍ぬん病院置（う）ちゃらあ。
ただ黄金ぬ森やんでぃち眺（なが）みいねえ、美らく見（み）ゆしが、旧日本陸軍病院跡やたんでぃ見（ん）じいねえ、くくるてぃるさぬならん。
筆：比嘉清。
くぬ森んかいや、運動公園ぬんあしが、戦ぬばすお＝この森には運動公園もあるが、戦時中は、
旧日本陸軍病院ぬあたる所なやい、森くるが＝旧日本陸軍病院があった所であり、森そのものが
いいくる戦跡風儀なとおん＝すべて戦跡であるかのようである。
黄金森んでえ、他に宜野湾ぬんかいあん＝黄金森といえば、他に宜野湾にもある。
黄金んでぃぬ名や「いっぺえ大切、あたらさ」んでぃゆる＝黄金には「とても貴重、大事」等の
積合ぬあい、あいゆかんぬ「褒み言葉」んやん＝意味があり、すごい「誉め言葉」である。
「黄金ん子」んでえ、大切な思ん子んでぃぬ積合やん＝「黄金の子」は大切な愛し子の意味だ。
また、いっぺえ美らさんでぃぬ意味ぬある「玉」＝さらにとても美しいの意味を持つ「玉」を
付きてぃ「玉黄金」んでぃしいねえ、なあ＝付けて「玉黄金」とすれば、それはもう、
でえじなぬ思愛さ言葉やん＝最上級の愛情を込めた言葉となる。
あん考えいねえ、くぬ森や、でえじな良い所＝そう考えるとこの森は本当に良い所で
なやいどぅ、又旧日本軍ぬん病院置ちゃらあ＝だったからこそ旧日本陸軍も病院を設置したのか。
ただ黄金ぬ森やんでぃち眺みいねえ、美らく＝ただ黄金の森だと思って眺めると、美しく
見ゆしが、旧日本陸軍病院跡やたんでぃ＝見えるが、旧日本陸軍病院跡だと思って、
見じいねえ、くくるてぃるさぬならん＝眺めると、やる瀬なく心寂しい思いがする。
筆：比嘉清。
この記事へのコメント