南風原町（ふぇえばる）ぬ黄金森（くがに）んかいや２０余（あま）いぬ豪（がま）ぬあたい、沖縄戦（うちなあいく）ぬばそお、うぬ豪やいいくる旧（ちゅう）日本陸軍守備隊が軍病院（ぐんびょういん）とぅしち使（ちか）とおたん。
軍ぬ医療関係（びょういんしんか）４５０名とぅひめゆり学徒隊２００名ぐれえがくまんじ働かさとおたんでぃぬ事（くとぅ）。
写真（しゃしん）ぬ屋（やあ）や２０豪号ぬ跡（あとぅ）なやい、「見学用（みいむんぬいりゆう）」ぬむんなてぃ、うんにいからあたる訳（わき）えらん。
左隣（ふぃざいどぅない）んかいある「三角兵舎」や説明板（あんねえばん）ぬ為（たみ）ぬむんどぅやい、実（じゅん）ねえ別（びち）ぬ所（とぅくる）んかいどぅあたんでぃぬ事。
アミリカ軍（ぐん）ぬ寄（ゆ）してぃ来（ち）、実に戦（いくさ）なたれえ、くぬ森や「地獄の森と化した」（案内板）んでぃぬ事。
周辺案内図（まあいぬあんねえじ）んかいや「兵士埋葬地点」とぅか「仮埋葬地」んでぃぬ字（じい）んあん。
やしが、戦ぬ強（ちゅう）まてぃ来（ち）ゃれえ、なあちゃあん成（な）らんなやあに、南部糸満（なんぶいとぅま）ぬんかい移（うち）らんでえならんなたん。
筆：比嘉清。
南風原町ぬ黄金森んかいや２０余いぬ豪ぬあたい＝南風原町の黄金森には２０余の豪があって、
沖縄戦ぬばそお、うぬ豪やいいくる旧日本陸軍＝沖縄戦のときはそれらの豪は殆ど旧日本陸軍
守備隊が軍病院とぅしち使とおたん＝守備隊が軍病院として使用していた。
軍ぬ医療関係４５０名とぅひめゆり学徒隊＝軍の医療関係者４５０名とひめゆり学徒隊
２００名がくまんじ働かさっとおたんでぃぬ事＝２００名がここで働かされていたとの事。
写真ぬ屋や２０豪号ぬ跡なやい、「見学用」ぬ＝写真にある家屋は２０豪号の跡地で「見学用」の
むんなてぃ、うんにいからあたる訳えらん＝もので、当時からのものではない。
左隣んかいある「三角兵舎」ん明板ぬ為ぬ＝その左側の「三角兵舎」も説明板設置のための
むんどぅやい、実ねえ別ぬ所んかいどぅあたんでぃぬ事＝もので実際は別の場所にあったとの事。
アミリカ軍ぬ寄してぃ来、実に戦なたれえ＝米軍が上陸し本格的な戦闘が始まると、
周辺案内図んかいや「兵士埋葬地点」とぅか＝周辺案内図には「兵士埋葬地点」とか、
「仮埋葬地」んでぃぬ字んあん＝「仮埋葬地」などの記述も見える。
やしが、戦ぬ強まてぃ来ゃれえ、なあ＝だが、戦闘が激しくなってきて、もはや、
ちゃあん成らんなやあに、南部糸満ぬんかい移らんでえならんなたん＝どうしようもなくなると、南部糸満に移らざると得なくなった。
筆：比嘉清。
この記事へのコメント