のうじ(豊見城市)

虹2022.7.28小.jpg      
 台風(てえふう)5号(ごう)ぬ近寄(ちかゆ)とおたる前(めえ)ぬ日(ふぃい、ひい)ぬ写真(しゃしん)やん。
 のうじえ、まるけえてぃ見(ん)じゅしが、あんし、だてん、写真、抜(ぬ)じゅる事(くと)お稀(まり)な事(くとぅ)やん。
 大概(てえげえ)や、たでえまなかい、無(ね)えらんなたい、薄(うし)くなたいすくとぅ、写真、抜じゅしん、慌(あわ)てぃいはあてぃいすしが、うぬ日や、長(なげ)えさ、掛(か)かかてえ居(をぅ)らんがあたら。
 んでぃ言(ゆ)しやか、太陽(てぃだ)ぬ落(う)てぃ走(は)いる迄(まで)えあたん。
 後(くさあ)んかい、白雲(しらくむ)ぬあれえ、なあふぃん、彩(いるどぅい)ん成(な)とおたる筈(はじ)やしが、青空(おおるうすら)くさてぃ、あんし、だてん、見(み)ゆしん、ふぃるましいむぬおあらに。
 うんな事ん、台風5号ぬ湿気掛(しちが)かいそおる気(ちい)、連(そ)うてぃ来(ち)ぇえくとぅどぅやがやあ。
 後(あとぅ)ぬうんじゅみ、台風5号や、うちなあんかいや来(く)うんたん。
 台風んかいん、色々(いるいる)、あるむんやさ。

筆:比嘉清。

台風5号ぬ近寄とおたる前ぬ日ぬ写真やん=台風5号が接近していた前日の写真である。
のうじえ、まるけえてぃ見じゅしが、あんし、だてん=虹は時々、見るが、こんなにちゃんと、
写真、抜じゅる事お稀な事やん=写真が撮れるのはまれなことである。
大概や、たでえまなかい無えらんなたい=大抵は短い時間で消えたり、
薄くなたいすくとぅ、写真、抜じゅしん=薄らいだりするので、写真を撮るのも
慌てぃいはあてぃいすしが、うぬ日や、長えさ=慌てるのであるが、その日は、長いこと、
掛かかてえ居らんがあたら=掛かっていたと思う。
んでぃ言しやか、太陽ぬ落てぃてぃ走いる迄えあたん=というより、太陽が落ちる迄、あった。
後んかい、白雲ぬあれえ、なあふぃん、彩ん=白雲をバックにすれば、彩りも、もう少し、
成とおたる筈やしが、青空くさてぃ、あんし=成っていたかもしれないが、青空背景でもこうして
だてん、見ゆしん、ふぃるましいむぬおあらに=ちゃんと見えるのも珍しいものではないか。
うんな事ん、台風5号ぬ湿気掛かいそおる気=それも、台風5号が湿気を含んだ空気を
連うてぃ来ぇえくとぅどぅやがやあ=連れて来たからなのだろうか。
後ぬうんじゅみ、台風5号やうちなあんかいや来うんたん=結局、台風5号は沖縄に来なかった。
台風んかいん、色々、あるむんやさ=台風にも色々、あるものだ。

筆:比嘉清。

"のうじ(豊見城市)"へのコメントを書く

お名前:
メールアドレス:
ホームページアドレス:
コメント: